O RC Deportivo continuará o vindeiro domingo 28 de abril, no decimoséptimo partido de Liga en ABANCA-RIAZOR, fronte ao CD Arenteiro (19:00 horas), coa iniciativa "O Día Dé", coa que abre o Palco de Honra do Estadio á afección e á cidadanía. Este decimoséptimo encontro será "O Día Dé Confrarías do Mar", no que o RC Deportivo convida aos principais representantes das principais confrarías de pescadores da Coruña e Costa da Morte.
Máis de medio centenar de representantes das confrarías da Coruña, Caión, Malpica, Corme, Laxe, Camelle, Camariñas, Muxía, Corcubión e Fisterra terán a ocasión de gozar do partido desde o palco principal do recinto, a localidade máis exclusiva e con mellor visibilidade de ABANCA-RIAZOR. O RC Deportivo quere recoñecer con esta invitación o labor que desempeñan todos os mariñeiros no mar durante todo o ano.
En cada partido en ABANCA-RIAZOR esta temporada, máis da metade das localidades do Palco de Honra estarán dedicadas a un colectivo da cidadanía ou a un sector da afección, para facer a entidade máis próxima e dar protagonismo á masa social deportivista e agradecer o seu excepcional apoio unha temporada máis.
