O Fabril mídese ao Marino de Luanco este domingo 15 de febreiro ás 17:00 no campo de Miramar, en partido correspondente á 23ª xornada en Segunda Federación.
Co triunfo a pasada fin de semana ante a SD Sarriana no campo Arsenio Iglesias, o filial lidera a táboa con 45 puntos por 43 do Oviedo Vetusta.
Está dispoñible todo o cadro salvo os lesionados Damián Canedo e Malick.
Manuel Pablo fala de "situación extraordinaria" polo mal estado do céspede de Miramar: "Tampouco tentaremos que sexa todo fútbol directo pero sabendo das dificultades para que circule o balón. Dar pases entre nós complícase moito".
Así pois, vaticina "moitos máis duelos, moito máis fútbol directo do que practicas habitualmente".
Pola súa banda, o Marino de Luanco, cuxo partido da pasada semana no campo da Gimnástica Segoviana CF foi suspendido polo temporal de neve, é 10º con 28 puntos.
Na primeira volta disputada no campo Arsenio Iglesias o pasado 7 de decembro o encontro acabou sen goles (0-0).
En Miramar esta temporada o cadro asturiano gañou ao UP Langreo (2-0) e Real Ávila CF (1-0); empatou co Bergantiños CF (1-1), Gimnástica Segoviana CF (0-0), SD Sarriana (1-1), CD Lealtad de Villaviciosa (0-0) e Rayo Cantabria (1-1); e perdeu co CD Numancia de Soria (1-2), Salamanca CF UDS (1-2), Coruxo FC (1-2) e Atlético Astorga FC (0-1).
