O partido do Dépor ABANCA en ABANCA-RIAZOR deste domingo 21 de decembro ás 12:00 ante a Real Sociedad (TVG) foi declarado polo RC Deportivo como "O Día DÉ..." A Solidariedade.
Por medio desta proposta, destinaranse prazas do Palco de Honra do Estadio a representantes de colectivos que promoven valores como a empatía, o respecto, a cooperación e o compromiso con quen máis o necesitan.
O RC Deportivo, con este xesto, chama á reflexión sobre a importancia de apoiarnos mutuamente e de traballar xuntos para construír unha sociedade máis xusta e inclusiva.
En cada encontro en ABANCA-RIAZOR esta temporada tanto do Dépor como do Dépor ABANCA, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
