O partido do Dépor ABANCA en ABANCA-RIAZOR deste domingo 14 de setembro ás 12:00 ante o Athletic Club (Dazn) foi declarado polo RC Deportivo como "O Día DÉ..." Loita contra os Incendios.
Por medio desta proposta, destinaranse prazas do Palco de Honra do Estadio a representantes dos diferentes colectivos que loitaron día e noite por evitar ou minimizar esa catástrofe humana, económica e ambiental.
O pasado 24 de agosto o Dépor xogou o seu partido ante o Burgos CF co equipamento da bandeira galega e os futbolistas portaron brazaletes negros en solidariedade tamén coas vítimas dos incendios; ademais de ser dedicado o Día DÉ ante o Sporting de Gijón de LaLiga Hypermotion a esta causa.
En cada encontro en ABANCA-RIAZOR esta temporada tanto do Dépor como do Dépor ABANCA, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
