O partido do Dépor ABANCA en ABANCA-RIAZOR deste sábado 1 de febreiro ás 16:00 ante o Valencia Féminas CF foi declarado polo RC Deportivo como "O Día DÉ..." O Deporte Coruñés.
Por medio desta proposta, destinaranse prazas do Palco de Honra do Estadio a representantes dos principais clubs deportivos da cidade: Deportivo Liceo, Basquet Coruña, CRAT Coruña, OAR Coruña, 5 Coruña (fútbol sala), Voleibol Zalaeta, Maristas Coruña (baloncesto), HC Coruña (hockey sobre patíns feminino), Balonmán Brigantium, Viaxes Amarelle (fútbol sala feminino), Waterpolo Coruña e Riazor Atletismo.
En cada encontro en ABANCA-RIAZOR esta temporada tanto do Dépor como do Dépor ABANCA, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
