O partido do Dépor en ABANCA-RIAZOR deste venres 19 de setembro ás 20:30 ante a SD Huesca foi declarado polo RC Deportivo como "O Día DÉ..." Os Nosos Veteranos.
Por medio desta proposta, destinaranse prazas do Palco de Honra do Estadio aos futbolistas que defenderon as cores branquiazuis ao longo da historia.
Ademais, Manuel Ríos Quintanilla 'Manolete', Presidente da Asociación de Veteranos do RC Deportivo, será o encargado de facer o saque de honra xusta no día no que se cumpren 61 anos do seu debut co Deportivo.
En cada encontro en ABANCA-RIAZOR esta temporada tanto do Dépor como do Dépor ABANCA, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
