O partido ligueiro do Dépor en ABANCA-RIAZOR deste sábado 25 de xaneiro ás 18:30 ante o Levante UD foi declarado polo RC Deportivo como "O Día DÉ..." Medio Ambiente.
Por medio desta proposta, destinaranse prazas do Palco de Honra do Estadio a representantes institucionais (Xunta de Galicia, Concello da Coruña, Concello de Abegondo, Axencia Europea de Medio Ambiente...) e de empresas (Gestán Conteco, WE Sustainability...) que velan pola conservación da nosa contorna natural.
En cada encontro en ABANCA-RIAZOR esta temporada tanto do Dépor como do Dépor ABANCA, máis da metade das localidades do Palco de Honra serán destinadas a un colectivo da cidadanía ou a un sector de #ANOSAFORZA, para facer a entidade máis próxima, dar protagonismo á masa social deportivista e agradecer o seu excepcional apoio unha temporada máis.
