O Xuvenil A venceu con claridade (0-6) ao CD Tenerife no partido de ida dos cuartos de final da Copa de Campións este sábado 10 de maio na Cidade Deportiva do conxunto chicharrero.
"Os rapaces interpretaron moi ben o que tiña que ser o partido desde o primeiro momento", declarou Miguel Figueira.
A volta para decidir que equipo clasifícase para a Final Four de Ponferrada será o domingo 18 de maio ás 12:00 en ABANCA-RIAZOR (YouTube RC Deportivo) aínda que os deportivistas deron un paso importante para lograr estar entre as 4 mellores canteiras de España.
Miguel Figueira admite que "o resultado tan favorable pode levar a pensar que estamos metidos pero aquí o máis importante é que xogamos en ABANCA-RIAZOR ante #ANOSAFORZA. Prepararemos o partido con toda a ilusión do mundo durante a semana. O que teñen que facer os rapaces é abstraerse deste resultado, pensar que queda un partido de volta en ABANCA-RIAZOR e deben gozar dese día".
Empezou o Xuvenil A moi enchufado. José Rey, desde fóra da área, e o goleador Rubén puxeron en vantaxe aos deportivistas en apenas 9 minutos de partido.
Os branquiazuis non baixaron os brazos a pesar deste dobre golpe inicial, e seguiron dominando o xogo e creando ocasións, como outra de Héctor e do propio Rubén que a punto estiveron de subir ao marcador.
Antes do descanso o propio Rubén e David deixaron sentenciado o choque con dous novos goles.
Após o paso polos vestiarios, seguiu o dominio total deportivista ante un CD Tenerife incapaz de frear a avalancha ofensiva do Xuvenil A.
Dous tantos máis de Rubén, nos minutos 64 e 71 permitiu a Miguel Figueira realizar cambios e refrescar ao equipo sabendo que a renda xa era insalvable para o CD Tenerife.
CD Tenerife: Juan C., Padrón, Marcos, Alex R., Poch, Guerra, Samu (Dailo, min. 46), Juliano (Amaro, min. 62), Páez (Ordu, min. 46), Gabri e Jarni (Joel, min. 12)
Xuvenil A: Álex, Mario (Vergara, min. 66), Hugo Torres (Pablo Parada, min. 66), Samu (Daniel, min. 80), David, Nico, José Rey, Lucas, Rubén (Íker, min. 80), Álvaro (Dipanda, min. 55) e Héctor
Árbitro: Alfonso Méndez Hernández, do comité tinerfeño. Amoestou a Padrón (min. 31)
Goles: 0-1 José Rey (min. 5); 0-2 Rubén (min. 9); 0-3 Rubén (min. 34); 0-4 David (min. 45+1); 0-5 Rubén (min. 64); 0-6 Rubén (min. 71)
