Olaya Enrique manifestou esta mañá na sala de prensa de Abegondo após recoller o Premio Estrella Galicia á mellora xogadora do Dépor ABANCA no mes de marzo que nesta recta final da Liga F "non sacamos a calculadora. Estamos enfocadas en traballar día a día, en cada adestramento, nos plans de partido. Estamos a matar co staff. O máis importante é o día a día, partido a partido". "Non se vai a torcer a cousa", engade.
Considera o partido deste sábado 12 de abril ás 16:30 en ABANCA-RIAZOR ante o FC Levante Badalona é "difícil e importante. Coa semana de descanso dános tempo a traballar cousas enfocadas ao partido. Estamos con ganas deste finde".
A atacante deportivista cre que "se conseguimos os 3 puntos saben a máis. É un rival moi difícil, que está aí loitando connosco, que ten xogadoras moi importantes e estamos preparadas para enfrontalo".
Por este motivo, apela ao deportivismo para que acuda a ABANCA-RIAZOR: "Necesitámolos máis que nunca. Oxalá que veña moita xente a apoiarnos porque imos facer moitas cousas boas".
