Os xogadores do Deportivo, gozan dun pequeno descanso ata o vindeiro martes, día no que comezarán a preparar o partido do domingo día 18 contra o Málaga, os afeccionados branquiazuis decidiron tamén tomarse unhas pequenas vacacións e non preocuparse excesivamente pola marcha do equipo, pero con todo comentáronse moitísimo as manifestacións realizadas onte por "Leri".
A reacción de repulsa por estas declaracións non se fixeron esperar entre as penas e os afeccionados coruñeses, que ao tratarse de quen se trata, non senten o mínimo respecto nin no seu propio cidade, po o que hai cousas que tampouco teñen demasiada explicación.
Manuel Sanjurjo, presidente da pena deportivista "Estrela", manifestou que o único que conta é o labor que están a realizar as dúas xuntas directivas para lograr unha maior confraternización non só entre os clubs senón tamén entre as respectivas afeccións. Isto é o que hai que apoiar, sempre haberá rivalidade entre as respectivas afeccións, pero iso é bo para o fútbol, pero de aí a tentar armar un número como pretende este home vai un auténtico abismo, a súa proposta esta totalmente fóra de lugar.
