Os Nosos regresaron este martes 4 de novembro ao Dépor Training Center despois de case unha semana fóra de casa, de "moitas horas de hotel, moitas horas de convivencia, moito tempo xuntos", tal e como subliñou na zona mixta do Ibercaja Estadio de Zaragoza Jose Gragera.
O centrocampista branquiazul recoñeceu que houbo "moito momento para falar, dialogar e que mellor que esta semana (pasada) que viñamos dunhas semanas amoladas. Veunos ben", concluíu.
Antonio Hidalgo dispuxo nesta primeira sesión de cara ao partido deste sábado 8 de novembro ás 18:30 (LaLiga TV Hypermotion) en ABANCA-RIAZOR ante a Cultural Leonesa dous grupos de traballo.
Os titulares o pasado domingo no Ibercaja Estadio de Zaragoza fixeron a primeira parte da sesión co grupo e logo pasaron a tarefas de recuperación: carreiras, roldo, ximnasio e fisioterapia.
Os demais futbolistas continuaron no campo 3 cun xogo de posición, finalizacións e fútbol reducido, de alta intensidade.
Están con adestramento personalizado Ximo Navarro, Escudero, Bachmann e Mulattieri.
O dianteiro italiano foi sometido a probas médicas que descartaron unha lesión. O futbolista traballará co readaptador físico Nando Rodríguez ata que a evolución desas molestias permitan o regreso aos adestramentos co grupo.
Samu, Damián Canedo, Bil e Hugo Ríos foron os representantes de #ANOSACANTEIRA.
Este mércores 5 de novembro Os Nosos adestraranse de novo no Dépor Training Center a partir das 10:30 horas.