Os xogadores xuvenís do Real Club Deportivo Mella e Jairo, formados en Abegondo desde as categorías de fútbol 8, pasaron nas últimas horas pola sede do Real Club Deportivo na praza de Pontevedra para asinar os seus novos contratos co Club.
O extremo esquerdo David Mella Boullón (Teo, 23 de maio de 2005) e o interior zurdo Jairo Noriega Figueroa (A Coruña, 14 de agosto de 2003) amplían a súa vinculación co Deportivo até 2024.
