Onte mércores 12 de xuño tivo lugar a presentación do DéporCampus Cabreiroá de Outes, que acollerá esta actividade da Fundación RC Deportivo por terceiro verán consecutivo.
O acto contou coa participación de Manuel González, alcalde de Outes; Tono Caamaño, concelleiro de deportes, igualdade e benestar de Outes; Carlos Romero, técnico de deportes e coordinador de fútbol base do Outes FC; Alejandro Vidal, responsable de área social do Real Club Deportivo, e Sergio Maurente, coordinador de programa local da Fundación Real Club Deportivo.
A actividade levará a cabo entre os días 24 de xuño e 28 de xuño, en horario de 10:00 a 14:00. O campo de fútbol municipal do Conchido será o escenario dun campus destinado a nenos e nenas de entre 6 e 14 anos.
Os interesados poden consultar toda a información da sede de Outes e realizar o proceso de inscrición até as 14:00 do martes 18 de xuño nesta ligazón.
Para calquera dúbida ou consulta coa súa inscrición, os interesados poden contactar directamente coa organización na dirección de correo electrónico deporcampus@rcdeportivo.es.
