Pablo García Taboada (23 de xaneiro de 2008, A Coruña), lateral do Cadete de División de Honra, colle o testemuño de Kevin Sánchez e José Rey nas categorías inferiores da selección española ao ser citado polo combinado nacional sub-15 para o torneo Football Federations Cup, que se xogará en Alacante do próximo luns 5 ao venres 9 de decembro.
O calendario de España é o seguinte:
Mércores 7 de decembro
17:00: ESPAÑA - ARABIA SAUDITA, no Estadio Guillermo Amor de Benidorm
Venres 9 de decembro
11:00: ESPAÑA - MÉXICO no Estadi Olímpic Camilo Cano de La Nucía
Pablo García, do mesmo xeito que José Rey, pertence ao cadro do Cadete que lidera a División de Honra con 5 puntos de vantaxe sobre o segundo clasificado, o RC Celta.
Precisamente o pasado domingo, ante o ED Xuventude de Oroso, estreou o seu marcador goleador ao anotar o seu primeiro gol na liga.
Así pois, #ANOSACANTEIRA volve estar no punto de mira das categorías inferiores da selección española porque recentemente o dianteiro do Xuvenil A Kevin Sánchez participou coa sub-18 en dous partidos amigables ante Suíza na Ciudad del Fútbol de Las Rozas e o atacante do Cadete, José Rey, gañou coa sub-16 o torneo Football Federations Cup.
