Pablo Vázquez Pérez (Gandía, Valencia, 7 de outubro de 1994) foi elixido Xogador Estrella Galicia do mes de outubro no Dépor, polas súas actuacións nos partidos disputados ante CF Fuenlabrada, RC Celta Fortuna, SD Ponferradina, CE Sabadell CF e Gimnàstic de Tarragona.
A terna de finalistas elixidos polos medios de comunicación que cobren a diario a información do equipo branquiazul foi a formada polo central valenciano, o mediocentro Jose Ángel e o dianteiro de #ANOSACANTEIRA Martín Ochoa.
A votación non deixou lugar a dúbidas, xa que Pablo Vázquez levou o 80,1 % dos votos, polo 14,5 % de Martín Ochoa. Pola súa banda, Jose Ángel, gañador do primeiro premio da temporada, o correspondente a agosto-setembro, recibiu o 5,3 % dos apoios.
Pablo Vázquez recibirá o seu premio mañá ás 10:00 horas en Abegondo, antes do adestramento do Deportivo, e responderá as preguntas dos medios de comunicación.
