Partido decisivo do Deportivo Infantil de Liga Galega en Santiago ante o Rosalía de Castro
Partido decisivo na liga Galega infantil. O Deportivo A, líder da categoría con 73 puntos, enfróntase o domingo ás 10:30 no Campo dos Maristas de Santiago ao segundo clasificado, o Rosalía de Castro, que contabiliza dous puntos menos na táboa. Unha vitori
En categoría xuvenil, o Deportivo A (División de Honra) viaxa a Santander para enfrontarse ao Real Racing Club na Albericia, o domingo ás 12:00 horas. O Dépor é quinto na táboa, con 43 puntos. Pola súa banda, o cadro cántabro é terceiro, con 50 puntos. Nesta categoría, o tres primeiros clasificados xogarán a Copa do Rei.
Na liga Nacional xuvenil, o Deportivo B, líder do seu grupo con 50 puntos e un de vantaxe sobre o Celta B, recibe en 'O Mundo do Fútbol' o domingo ás 12:00 ao Compostela. Sobre un total de 16 equipos, o equipo santiagués é noveno na clasificación, con 31 puntos.
Na División de Honra cadete, a liga xa é deportivista. O Dépor A proclamouse campión o pasado fin de semana e disputará o Campionato de España. Nun partido sen transcendencia xoga en 'O Mundo do Fútbol' este sábado ás 17:00 co Pontevedra.
O que ten un partido complicado é o Dépor B cadete da liga Galega. É líder, con 58 puntos, dous máis que o seu inmediato perseguidor, o Orillamar. Este sábado viaxa ao campo do terceiro clasificado, o Milagrosa lucense, este sábado ás 16:30 horas.
Por fin, na liga Local alevín de fútbol sete, o Deportivo, líder cómodo da clasificación e xa campión de Liga con 20 partidos gañados e un único partido perdido, enfróntase ao Imperator, o sábado ás 12:30 na Grela II.