Ainize Barea 'Peke' converteuse a pasada semana na Ciudad Deportiva José Ramón Cisneros na cuarta futbolista do Deportivo ABANCA en alcanzar o centenar de partidos en competicións nacionais.
A xogadora deportivista recibiu nos prolegómenos do partido ante o RCD Espanyol en Abegondo, do mesmo xeito que con anterioridade Gaby, Cris e Iris, a camiseta conmemorativa dos seus cen partidos oficiais vestindo de branquiazul.
A dianteira, máxima goleadora da historia do Dépor ABANCA con 82 goles, está na súa cuarta temporada no conxunto coruñés, onde chegou procedente do Santa Teresa CD no verán de 2017.
Nestas catro campañas, a vasca disputou 44 partidos en Primera Iberdrola, 50 en Segunda División Nacional, 4 na promoción de ascenso á máxima categoría e 2 en Copa da Raíña.
Trala visita ao Sevilla FC, o ranking das xogadoras con máis partidos oficiais atópase do seguinte modo: Gaby (111), Cris (109), Iris (101), Peke (100), Teresa Abelleira (92), Lía (83), Nuria e Kika (76), Alba Merino e Michelle Romero (70).
