Zakaria Eddahchouri, incorporado onte ao Dépor, adestrouse esta mañá con normalidade cos seus novos compañeiros.
Óscar Gilsanz, en rolda de prensa, subliñou que "é un mozo que vén para axudarnos, a complementar as condicións dos xogadores de ataque que temos".
Cualificouno como "diferente, que nos vai a achegar outras cousas, con capacidade para asociarse, para ir ao espazo e con capacidade para facer gol. A secretaría técnica vén seguindo desde hai tempo e púidose facer".
Sen apenas tempo de recuperación após o partido do pasado mércores en Tenerife, segundo desta semana co do sábado 25 en ABANCA-RIAZOR ante o Levante UD, e xa co da SD Eibar do domingo 2 de febreiro ás 16:15 en Ipurúa no horizonte, o corpo técnico dispuxo esta mañá dunha activación con rondos e roda de pases, un exercicio de posición e partidos en espazo reducido para rematar".
"Para o xogador sempre é bo porque aos futbolistas o que lles gusta é xogar. É certo que está máis cargada. É todo máis apurado pero non é habitual e tampouco pasa nada", comentou o adestrador branquiazul.
Os futbolistas titulares no Heliodoro Rodríguez López, ademais de Obrador, fixeron co resto do equipo unicamente a primeira parte da sesión. A continuación pasaron a tarefas de recuperación no ximnasio e a sala de fisioterapia.
Óscar Gilsanz explicou do lateral zurdo que "está mellor" das molestias que lle deixaron fóra do encontro o pasado mércores. "Imos ver entre hoxe e mañá se pode chegar a estar dispoñible. O adestramento de mañá será o que nos marque o camiño", engadiu.
Ademais de Escudero, que hoxe pasa por quirófano, está con adestramento personalizado Mfulu: "Fixéronselle probas. Parece que é pouca cosa pero en principio para esta semana non vai estar", subliñou Óscar Gilsanz.
Mañá sábado 1 de febreiro o Dépor adianta a hora de adestramento, que será ás 10:00 en Abegondo, posto que ao finalizar os convocados emprenderán viaxe a Eibar por estrada.
