Giocomo Quagliata pasouse pola sala de prensa do Dépor Training Center.
Opina en referencia ao encontro deste domingo 15 de febreiro ás 21:00 (LaLiga TV Hypermotion e Fútbol 2, dispoñible en DIGI TV e outras plataformas) no SkyFi Castalia ante o CD Castellón que "neste momento da temporada todos os partidos son importantes. Eles son un bo equipo, nós tamén. Seguro que coa nosa mentalidade facemos un bo partido".
O lateral deportivista apunta que "sempre que xoga primeiro contra segundo ou segundo contra terceiro son sempre bos partidos; aínda que agora todos os partidos son bos porque todos estamos preto en canto a puntos".
Advirte que "os detalles marcarán a difererencia pero temos que ter a mente forte para afrontar todos os partidos".
Quagliata asegura que "claramente agora sabemos cales son os seus puntos fortes pero somos máis equipo que en decembro (mes do partido de ida en ABANCA-RIAZOR entre ambos os equipos)". "O máis importante é o grupo. Exemplo o gol de Yeremay no 90 fose de casa e todos os xogadores, tamén os do banco, van celebralo con el. Iso é un sinal moi importante", engade.
Valora como "importante" sacar os partidos adiante e subliña que "cando ganas 3-0 todos somos máis felices pero prefiro gañar todos os partidos 1-0 e gañar a liga".
O defensor deportivista advirte que "se perdemos non morre ninguén. Temos tempo pero temos que gañar. Se non pasa, o campionato é longo. Non é unha final".
Nesta liña manifesta que "nos quedan 16 finais porque estamos todos preto. Se ganas o domingo e perdes o seguinte é coma se non fixeses nada".
Finalmente Quagliata asegura que as fichaxes neste mercado invernal "están a axudarnos moito. Temos que seguir así".
