Os dous equipos xuvenís foron os protagonistas este domingo 26 de outubro en ANOSACANTEIRA.
O A venceu por 3-0 no campo Arsenio Iglesias ao Arosa SC; e o B por 1-3 na Cheda ao CD Lugo B.
Con este resultado, o equipo de Miguel Figueira suma 13 puntos na 2ª posición da División de Honra, a 1 punto do líder, o RC Celta.
E o conxunto de Dani Xelo 22 puntos na 2ª praza da Liga Nacional, a 2 puntos do líder, o RC Celta B.
Onte sábado houbo partidazo no campo Arsenio Iglesias.
O Fabril, líder da Segunda Federación, mediuse ao segundo, o Oviedo Vetusta.
Caeron os branquiazuis por 0-1 aínda que se manteñen á fronte da táboa con 19 puntos por 18 os asturianos.
Manuel Pablo asegurou en rolda de prensa pospartido que "hai que levantarlles o ánimo por se están moi baixos porque estivemos sempre no partido; pero isto, se non metes goles, a diferenza de gañar é clara".
Cre que "por fóra podemos facer máis dano e non o estamos facendo porque os equipos se che acaban pechando. Faltounos finura", concluíu.
Ademais este sábado 25 o Cadete (na foto principal da noticia), líder da División de Honra, recibiu ao Escola de Fútbol DSF (3-0); o Infantil, á fronte da División de Honra, ao Racing de Ferrol (12-0); o San Tirso SD Infantil ao CD Lugo (2-2); o Alevín A ao CD Calasanz (7-0); e o Benxamín A ao ED Luis Calvo Sanz (3-0).
Fóra de casa o San Tirso SD Cadete visitou ao Ural Español CF (1-2); o Fabril FC Alevín, á fronte da Primera Futgal A Coruña, ao Betanzos CF (0-7); e o Fabril FC Benxamín ao Atlético Arteixo (0-9).
Os resultados da fin de semana foron os seguintes:
Segunda Federación
8ª xornada: FABRIL 0 - OVIEDO VETUSTA 1
Categoría xuvenil
División de Honra, 6ª xornada: XUVENIL A 3 (Íker Gil e Álvaro -2-) - AROSA SC 0
Liga Nacional, 8ª xornada: CD LUGO B 1 - XUVENIL B 3 (Nico -2- e Roi)
Categoría cadete
División de Honra, 7ª xornada: CADETE 3 (Jurgen, Raúl e Nico Giovanni) - ESCOLA DE FÚTBOL DSF 0
División de Honra, 7ª xornada: URAL ESPAÑOL CF 1 - SAN TIRSO SD CADETE 2 (Hugo e Íker Obeso)
Categoría infantil
División de Honra, 7ª xornada: INFANTIL 12 (Jorge, David Gómez, Aritz Fernández -4-, Julen, Joel Darriba, Álvaro Gómez -2-, Mathias e Iván Gil) - RACING DE FERROL 0
División de Honra, 7ª xornada: SAN TIRSO SD INFANTIL 2 (Eliam -2-) - CD LUGO 2
Categoría alevín
Primera Futgal A Coruña, 5ª xornada: ALEVÍN A 7 (Alberto Novo -2-, Andrés Valencia, Mateo Cardelle, Enzo Fernández, Adrián Prieto e Saúl Cancela) - CD CALASANZ 0
Primera Futgal A Coruña,5ª xornada: BETANZOS CF 0 - FABRIL FC ALEVÍN 7 (Manu Parada -2-, Pablo Couso, César Leira, Nico Castro, Leo Galbán e Joel Losada)
Categoría benxamín
Primera Futgal A Coruña, 5ª xornada: BENXAMÍN A 3 (Fabio Álvarez -2- e Hugo Cancela) - ED LUÍS CALVO SANZ 0
Primera Futgal A Coruña, 5ª xornada: ATLÉTICO ARTEIXO 0 - FABRIL FC BENXAMÍN 9 (Izan Mallón -2-, Tomás Lorenzo -2-, Óscar Lijo -2-, Jaime Fraga, Anxo Fernández e Diego Freire)