RCDeportivo RCDeportivo RCDeportivo
Skip to main content
#OSNOSOS

Segundo partido para Yeremay coa selección española sub-21, este martes ante Malta en Algeciras

-Foto:@rfef.es

 

Yeremay Hernández encara este martes 15 de outubro o seu segundo partido coa selección española sub-21 co que se pecha a fase de clasificación para o Campionato de Europa de Eslovaquia 2025.

Será ante Malta no Estadio Nuevo Mirador de Algeciras a partir das 17:00 horas.

Finalizado o choque, o futbolista branquiazul regresará á Coruña.

O atacante canario lembrará toda a súa carreira o 10 de outubro de 2024 e o Estadio Cidade de la Línea en La Línea de la Concepción posto que foi ante Kazajistán onde se produciu o seu debut coa selección española sub-21.

Corría o minuto 59, con 4-1 no marcador a favor dos españois, e o canteirán deportivista, que empezou o choque no banco, saltaba ao céspede en substitución de Raúl Moro.

Gañou España (4-3), que xa ten o billete para o Europeo no peto.

O calendario de Yeremay e da selección española sub-21 nesta concentración, cos resultados dos xa xogados, é o seguinte:

Xoves 10 de outubro
ESPAÑA 4 - KAZAJISTÁN 3

Martes 15 de outubro
17:00: ESPAÑA - MALTA, no Estadio Nuevo Mirador de Algeciras