-Foto:@rfef.es
Un gol da deportivista Olaya Enrique (na foto co dorsal número 16) no minuto 8, a pase de Lucía Corrales, deu o triunfo a España sobre Estados Unidos (1-0) no primeiro partido do Campionato do mundo sub-20 de Colombia.
A outra futbolista branquiazul, Marina Artero, seguiu o encontro desde o banco.
A próxima cita para o combinado nacional será este xoves 5 de setembro ante Paraguai ás 00:00 (hora galega) no Estadio Olímpico Pascual Guerrero de Cali.
O calendario de España e das dúas futbolistas branquiazuis, cos resultados dos partidos xa xogados, é o seguinte:
Domingo 1 de setembro
ESPAÑA 1 - ESTADOS UNIDOS 0
Xoves 5 de setembro
00:00: ESPAÑA - PARAGUAI, no Estadio Olímpico Pascual Guerrero (Cali)
Domingo 8 de setembro
1:00: MARROCOS - ESPAÑA, no Estadio Olímpico Pascual Guerrero (Cali)
O Dépor ABANCA está representado no torneo con 3 futbolistas: Marina Artero e Olaya por España; e Michi Apóstol por Venezuela.
