Os xogadores deportivistas iniciarán a pretemporada o 27 de xullo
HOXE PODERASE SABER SE O BRASILEIRO RAUDNEI VOLVE Ao DEPORTIVO Ou queda NO O Porto
Ao nove xogadores da pasada campaña que continúan nas filas deportivistas de face á tempada 89-90, segundo informabamos onte ?Fernando, Jorge, Antonio, Modesto, Martín Lasarte, Aspiazu, Fran, Gil e José Ramón-, hai que unir ao lateral e capitán branquiazul Cayetano, que onte pola mañá asinou o oportuno contrato que o liga ao Deportivo ata o 30 de xuño de 1990, ou sexa, unha tempada máis.
As xestións para a renovación de Cayetano iniciáronse días pasados e o martes pola mañá aínda existían unhas pequenas diferenzas que, xa ben avanzada a tarde, parece que ?limou? o Presidente branquiazul, para concretalas onte mesmo a media mañá, en que definitivamente se pechou a operación para a súa continuidade no Club.
-Pendentes do O Porto.
Cubertas xa dúas prazas de estranxeiros, como os iugoslavos Batrovic e Sredojevic, a Comisión Deportiva está pendente de adxudicar a terceira que, en principio, está reservada ao brasileiro do O Porto Raudnei, máximo goleador deportivista na pasada tempada. Entre hoxe e mañá, que inciará xa as súas actividades da pretemporada, o club lusitano debe dar a coñecer a situación do persoal que se reserva o técnico para a tempada e os correspondentes ?descartes?. Se Raudnei non conta nos plans do adestrador portuense, todo apunta a que volverá á Coruña. De non ser así haberá que ir pensando nesoutro terceiro estranxeiro.
-O 27 comeza a pretemporada.
Xa é definitivo, o novo persoal deportivista fará a súa presentación oficial, con vistas á pretemporada, o 27 de xullo próximo, dentro dun mes, para inmediatamente concentrarse durante dez días na zona de Bergantiños preto de Carballo e preto do monte e a praia, onde José Ángel Franganillo, o preparador físico do equipo, poida traballar ás súas anchas co persoal.
