Á espera de habilitar a altas de abono con localidade para todos os Deportivistas, que ata que se garanta o aforamento a todos os abonados da Temporada 20/21 non será posible, xa se poden dar altas para o tres modalidades de carné que permiten asociarse ao Dépor sen ter dereito a localidade asignada: Socio Amigo, Nen@ Dépor e Mascota Deportivista.
SOCIO AMIGO
Especialmente creado para afeccionados que residen fóra da Coruña. Poderán manter a antigüidade e asistir a un encontro de Primeira RFEF (excluídos partidos de play off, cuartos de final ou semifinal de Copa do Rei), ademais dos partidos con libre acceso para persoas socias na Cidade Deportiva de Abegondo.
O dereito a entrada a ABANCA-RIAZOR non leva obrigación de consumila, por tanto o Club non deberá repoñela en caso do seu non uso ao longo da temporada. Prezo único do abono: 50 euros. A entrada poderá ser de calquera das bancadas de Fondo (Pavillón ou Marathón) ou Preferencia Inferior, sempre baixo a dispoñibilidade do momento no que se realice a solicitude e sempre que se dispoña do aforamento completo garantido.
NEN@ DÉPOR
Especialmente creado para bebés recentemente nacidos de 0-2 anos. Considérase Nen@ Dépor a todas aquelas persoas nadas despois do 01/01/2019 (inclusive). Poderán manter a antigüidade e asistir aos partidos de Primeira RFEF ou da Copa do Rei (excluídos partidos de play off, cuartos de final ou semifinal de Copa do Rei) que se disputen no Estadio ABANCA-RIAZOR, ademais dos partidos con libre acceso para persoas socias na Cidade Deportiva de Abegondo. Para iso só terán que retirar a invitación de acceso o mesmo día de partido en presenza do NEN@Dépor, sempre que se dispoña do aforamento completo garantido. Prezo do abono 50 euros. Prezo único do abono con produtos Nen@ Dépor da DéporTienda, especial pack de agasallo: 75 euros.
MASCOTA DEPORTIVISTA
Especialmente creado para todas as Mascotas Deportivistas, terán o seu carné distintivo con foto, número de socio e descontos en empresas do sector. O 15% do prezo do abono doarase a distintas protectoras de animais da Coruña. Prezo: 25 euros.
