Yeremay Hernández Cubas (Las Palmas de Gran Canaria, 10 de decembro de 2002) por segunda vez esta temporada e Millene Cabral Vieira (Porto Alegre, Brasil, 29 de novembro de 1997) recolleron esta mañá na sala de prensa de Abegondo o premio ao xogador Estrella Galicia do mes de abril no seu equipo polas súas actuacións nos partidos de liga ante o Cádiz CF, CD Mirandés, CD Tenerife e Real Racing Club no caso de Yeremay; e FC Levante Badalona, Levante UD e Granada CF no caso de Millene.
A terna de finalistas elixidos polos medios de comunicación que cobren a diario a información dos dous equipos branquiazuis foron a formada por Helton Leite, Diego Villares e Yeremay no caso do Dépor; e Millene Cabrail, Ainhoa Marín e Vera Martínez no caso do Dépor ABANCA.
Nas votacións finais a cargo de #ANOSAFORZA a través das redes sociais do Club, Yeremay foi o elixido no primeiro equipo masculino co 44,9% dos votos dos afeccionados, por 39,9% de Helton Leite e 15,2% de Diego Villares. No apartado feminino, Millene impúxose co 45,4% por 38,2% de Ainhoa Marín e 16,4% de Vera Martínez.
Os dous futbolistas agradeceron o premio e, por exemplo Yeremay, mostrouse "moi contento de estar aquí, de recibir este premio. Sempre está ben recibilo".