RCD / NOTICIAS

Luisinho, autocrítico: A sorte non estará sempre ao noso lado. Temos que ter algo máis

Luisinho compareceu perante os medios informativos na sala de prensa de Abegondo. O carrileiro branquiazul voltou a ocupar unha posición avanzada en Santo Domingo, con Manuel Pablo, neste caso, por detrás.

25/02/2014 13:56

"Non fixemos un bon partido. Coa nosa entrega conseguimos os tres puntos. Na primeira parte foron mellor que nós, e logo na segunda conseguimos equilibrar o xogo, mais hai que mellorar algúns aspectos", comenta Luisinho.
 
A pesar de que dúas xogadas a balón parado (ante o Sporting e Alcorcón) nos minutos finais dos dous partidos supuxeron tres puntos, Luisinho lembra que "perdemos máis do que gañamos a balón parado. Temos tamén que mellorar neste aspecto".
 
Advirte que é perigoso deixar os partidos para o final: "Nós canto antes resolvamos o xogo, mellor. Hai que pensar que os equipos agora na recta final van querer gañar ao Dépor e hai que estar preparados para iso".
 
Luisinho acredita que equipos como o Mallorca ou o Zaragoza, provisionalmente distanciados da cabeza, aínda teñen opcións: "Aínda teñen unha palabra a dicer. Non está nada resolvido aínda".

Más noticias de: LUISINHO