Luisinho e Marchena adéstranse a menor ritmo por precaución

De feito, a sesión no céspede foi máis curta, e sempre co balón como protagonista.
 
Sissoko exercitouse no ximnasio, pendente da súa evolución nas próximas horas; e Lopo tampouco saltou ao céspede. Aproveitando a súa sanción federativa para este partido, os médicos do Clube queren que o central deportivista supere as molestias no adutor medio da coxa esquerda que case lle impiden xogar en Soria. Wilk, baixa para o que resta de Liga, está a tratamento médico e de fisioterapia.
 
Mañá xoves, Fernando Vázquez rebaixará a intensidade do treinamento, como é habitual dous días antes de cada partido. Esta semana, no entanto, será en Abegondo a partir das 10.30, non en Zona Fit como foi habitual durante toda a temporada.

Antes, ás 10.00, Marchena comparecerá en rolda de prensa.