ANTONIO HIDALGO AVANZA O PLAN DE PARTIDO DO DÉPOR ANTE O MÁLAGA CF

Antonio Hidalgo avanzou este venres 21 de agosto no Dépor Training Center o plan para o encontro do vindeiro luns 24 de agosto, ás 21:30 horas (Dazn), ante o Málaga CF en La Rosaleda, correspondente á 2ª xornada do campionato.A sesión comezou cunha activación e unha roda de pases antes de dar paso a un exercicio de carácter táctico.O corpo técnico dispuxo tamén un xogo de posición e un partido, co obxectivo de seguir traballando os conceptos previstos para a cita de La Rosaleda.

David Mella e Diego Villares realizaron un adestramento personalizado dentro do plan de control de cargas establecido polos Servizos Médicos.Pola súa banda, Quique Teijo e Kevin, representantes de #ANOSACANTEIRA, completaron a sesión xunto ao primeiro equipo.Os Nosos volverán ao traballo este sábado 22 de agosto, a partir das 10:30 horas, no Dépor Training Center, para continuar preparando a 2ª xornada de LaLiga EA Sports.