A RC DEPORTIVO FUNDACIÓN COMPARTE O PROXECTO DÉPORCAMPUS NA EMBAIXADA DE ESPAÑA EN MACEDONIA DEL NORTE

A RC Deportivo Fundación continúa impulsando a expansión internacional dos DéporCampus. Coincidindo coa celebración dunha nova sede en Ohrid, Macedonia del Norte, representantes da Fundación visitaron a Embaixada de España no citado país balcánico.Durante o encontro, Alejandro Espiñeira, coordinador de programas internacionais da RC Deportivo Fundación, foi recibido por Ana Andrés Hernández, Encargada de Negocios e Segunda Xefatura da Embaixada de España, nunha xornada que permitiu compartir o proxecto e a experiencia do RC Deportivo no ámbito da formación e do deporte.A visita tivo lugar tras a celebración do DéporCampus Macedonia, no que participaron case un cento de nenos e nenas, nunha nova experiencia internacional que confirma o crecemento dunha actividade xa consolidada como unha das grandes propostas do verán deportivista en Galicia.O encontro serviu tamén para poñer en valor a capacidade do RC Deportivo e a súa Fundación para levar máis alá das nosas fronteiras unha forma de entender o fútbol baseada na aprendizaxe, na convivencia e nos valores.Desde Galicia até Macedonia del Norte, o balón volve demostrar que non entende de fronteiras. Cada novo DéporCampus é unha oportunidade para achegar o sentimento branquiazul a novos lugares e a novas xeracións.