ANTONIO HIDALGO: "ISTO VAI DE ESTAR VIVOS SEMPRE, DE ESTAR VIVOS NA LOITA POR TODO"

Antonio Hidalgo manifestou este mediodía na sala de prensa do Dépor Training Center que o obxectivo é "estar vivos. Isto vai de estar vivos sempre, de estar vivos na loita por todo".A falta de 4 xornadas, insiste en ir "partido a partido, día a día. Todo cambia moitísimo. Hai que pensar no partido de mañá e estar vivos sempre".O técnico deportivista advirte da necesidade de "sentir ese sufrir momentos, pasar momentos tanto durante o partido como durante as semanas. E a partir de aí iso normalízase moito máis. Vas a polo partido e logo a polo seguinte".Do Cádiz CF, rival este venres 8 de maio ás 20:30 no JP Financial Estadio no primeiro partido da 39ª xornada en LaLiga Hypermotion, advirte que "de metade de campo cara arriba ten xogadores moi diferenciais da categoría. É un rival que ao principio quería pelexar por unhas cousas, ao final vense noutro tipo de situación e vai ser igualado, como non podía ser doutro xeito".Nesta liña, Antonio Hidalgo fala de "partido igualado da categoría cun equipo que cambiou de adestrador hai pouco e que lle deu o seu toque. Vainos poñer as cousas moi difíciles. Imos ter que estar moi atentos nos momentos sen balón, intentar facerlles dano con balón".