COMEZAN OS AMIGABLES EN ANOSACANTEIRA, CON CITAS ESTA SEMANA PARA O FABRIL E O XUVENIL A

O balón comeza a rolar tamén para ANOSACANTEIRA. Tras semanas de preparación e traballo no Dépor Training Center, chegan os primeiros amigables do verán, o momento de empezar a trasladar ao terreo de xogo todo o que se está a construír nos adestramentos.El Fabril afrontará unha semana intensa con dous esixentes compromisos. O conxunto dirixido por Manuel Pablo medirase este mércores 29 de xullo ao Pontevedra CF no campo Novo San Pedro de Vilalonga, mentres que o sábado 1 de agosto visitará o Municipal de Pol para enfrontarse ao CD Lugo.Serán os primeiros pasos dun equipo que encara con ilusión o reto de competir en Primera Federación, unha categoría na que volverá representar o talento e a identidade da canteira branquiazul.E se hai algo que nunca falla cando xoga o Fabril é o respaldo do deportivismo.Un total de 3.418 afeccionados xa retiraron o seu abono para acompañar ao filial durante a temporada, unha mostra do vínculo crecente entre o filial e unha afección que cre no presente e, sobre todo, no futuro do Club.Cada partido do Fabril é unha oportunidade para ver medrar os futbolistas de #ANOSACANTEIRA, para seguir soñando cos próximos xogadores que defenderán o escudo en ABANCA-RIAZOR e para demostrar, unha vez máis, que o futuro do RC Deportivo tamén se constrúe desde a canteira.Para o Fabril, chega o momento de competir. E para o deportivismo, o de volver camiñar xunto aos seus desde o primeiro minuto.

Tamén ten test de preparación o Xuvenil A, no Dépor Training Center o venres 31 de xullo ás 20:15 fronte ao Betanzos CF de Preferente Autonómica.Así mesmo, comeza a súa pretemporada o Xuvenil B da Liga Nacional.A súa primeira sesión en campo será este mércores 29 de xullo a partir das 18:00 horas no Dépor Training Center.O conxunto branquiazul comezará a liga a fin de semana do 5 ou 6 de setembro.O calendario de partidos amigables desta semana é o seguinte:Primera FederaciónFABRIL - PONTEVEDRA CF, o mércores 29 de xullo ás 19:30 no campo Novo San PedroCD LUGO - FABRIL, o sábado 1 de agosto ás 19:00 no Municipal de Pol (Lugo)Categoría xuvenilXUVENIL A - BETANZOS CF (Preferente Autonómica), o venres 31 de xullo ás 20:15 no Dépor Training Center