O DÉPOR TRAINING CENTER, ZAS, CUNTIS E O COLEXIO SANTA MARÍA DEL MAR, SEDES DA QUINTA SEMANA DO DÉPORCAMPUS

Os DéporCampus volven poñerse en marcha cunha nova semana, a 5ª, cargada de fútbol, aprendizaxe e momentos inesquecibles.Do 20 ao 24 de xullo, o Dépor Training Center, Zas, Cuntis e o Colexio Santa María del Mar abren as súas portas para recibir centos de nenos e nenas que compartirán unha experiencia única co selo do RC Deportivo.Durante estes días, as e os participantes gozarán de adestramentos adaptados a cada idade, xogos, retos e actividades pensadas para que medren como futbolistas pero, sobre todo, como persoas.Nos DéporCampus o balón é só o punto de partida. O compañeirismo, o respecto, o esforzo, a superación e o traballo en equipo volven ser os valores que acompañan cada adestramento, cada sorriso e cada novo amigo que nace sobre a herba.Semana tras semana, esta iniciativa continúa consolidándose como un auténtico punto de encontro para a mocidade deportivista que vive o fútbol desde a ilusión, a convivencia e o sentimento de pertencer a unha mesma familia: a do RC Deportivo.A pasada semana, os campus de Boiro, Bertamiráns, Vilalba e Silleda (nas fotos inferiores) deixaron imaxes imborrables de alegría, aprendizaxe e compañeirismo, recordos que xa forman parte do verán de centos de nenos e nenas e que serven de inspiración para as e os novos participantes que comezan agora a súa aventura.Non só se aprende a xogar ao fútbol. Apréndese a compartir, a respectar, a crer en unha mesma ou un mesmo e a medrar levando sempre moi preto os valores que representa o RC Deportivo. Unha experiencia que permanecerá moito máis alá do último adestramento.

Así, os participantes realizan:-Circuitos coordinativos.-Xogos de relación co balón.-Habilidade co balón.-Desafíos técnicos.-Xogos de posición.-Partidos reducidos ou minipartidos.-Xogo real cunha liga interna.Os obxectivos marcados son os seguintes:-Aprender e desenvolver a coordinación a través de xogos coordinativos.-Aprender as habilidades e conceptos na relación co corpo.-Aprender as habilidades e conceptos na relación co balón.-Traballar os fundamentos técnico-tácticos cunha metodoloxía analítica.-Competir e gozar mediante partidos en diferentes espazos.-Transmitir os valores que representa o Dépor: RESPECTO, SOLIDARIEDADE, AMIZADE, XOGO LIMPO, INTEGRACIÓN, ESFORZO E FELICIDADE.

Últimas horas para apuntarse en Cedeira e MarínEste martes 21 de xullo ás 14:00 conclúe o prazo para apuntarse en Cedeira e en Marín.Toda a información sobre cada sede, cada quenda, horarios e demais preguntas frecuentes atópase premendo aquí, onde se pode realizar todo o proceso de inscrición e contacto, que tamén se pode establecer a través de [email protected].

CalendarioNa 6ª e última semana, do 27 ao 31 de xullo, as actividades desenvolveranse en Cedeira, Marín e na cidade deportiva blanquiazul.As novidades nas sedes do Dépor Training Center, en funcionamento as 6 semanas, e do Colexio Santa María del Mar este ano 2026 é que contan con servizo de madrugadores.