MONFORTE SÚMASE AOS DÉPORCAMPUS POR DÉCIMO ANO

A localidade lucense de Monforte de Lemos súmase aos DéporCampus, unha actividade que se desenvolve en colaboración co CP Calasancio.O acto de presentación tivo lugar nos campos de fútbol Alex Blanco Regalado e asistiron Antonio González, director do CP Calasancio; Sandra Rodríguez, directiva; e Sergio Maurente Brañas, coordinador dos DéporCampus na RC Deportivo Fundación.A actividade desenvolverase do luns 6 ao venres 10 de xullo en horario de 10:00 a 14:00.Está dirixida a nenos e nenas entre 6 e 14 anos (nados entre 2012 e 2020, ambos incluídos) con independencia do seu nivel de práctica ou experiencia.Os adestradores e adestradoras de ANOSACANTEIRA trasladarán a Monforte a metodoloxía de adestramento que os equipos da base realizan no Dépor Training Center.Como no resto de sedes, o RC Deportivo proporciona a cada participante unha equipación completa: camiseta, pantalón e medias. Polo tanto, só son necesarias botas de tacos ou multitacos de goma, camiseta térmica ou chuvasqueiro en caso de choiva e aerosol ou crema solar. Non é necesario o uso de caneleiras.Ademais, o alumno ou alumna gozará dunha pequena merenda a media mañá tamén a cargo da RC Deportivo Fundación.Máis información e inscricións neste enlace.