O RC DEPORTIVO ACTIVA A PRERRESERVA DE ENTRADAS PARA A VISITA AO SPORTING DE GIJÓN

O RC Deportivo habilita a prerreserva de entradas para o partido do sábado 10 de maio ás 16:15 en El Molinón, correspondente á 39ª xornada de LaLiga Hypermotion.O Sporting de Gijón puxo a disposición do RC Deportivo un total de 570 entradas, das cales o 40% serán xestionadas e vendidas pola Federación de Peñas (228), e o resto a través do Club (342).As localidades teñen un prezo de 20 euros, e quedan limitadas a 2 localidades por abonado. Para realizar a xestión, o abonado deberá acceder á web .A prerreserva poderase realizar desde xa até o venres 2 de maio ás 12:00.No caso de que houbese máis abonados en prerreserva que entradas dispoñibles, realizarase un sorteo, cuxo resultado se comunicará aos abonados agraciados o sábado 3 de maio; e así mesmo comunicaráselles a forma de pago e como recibir as entradas.As entradas que non fosen retiradas o luns 5 de maio ás 19:00 horas serán asignadas aos suplentes que se designarán, así mesmo, no sorteo realizado. O prazo límite para a retirada das entradas será o martes 6 de maio ás 19:00.Por conseguinte, non haberá venda física de entradas na OAD para este encontro.Será obrigatorio presentar o abono e o DNI do abonado.