ORGULLO E SENTIMENTO BLANQUIAZUL PARA RECIBIR O DÉPOR ESTE MEDIODÍA NO AEROPORTO DA CORUÑA

Nada máis pitar Dámaso Arcediano o final do partido ante o Cádiz CF, a euforia invadiu a bancada do JP Financial Estadio e ao deportivismo que seguiu o encontro desde case mil quilómetros de distancia.As redes sociais convertéronse nesta ocasión no punto de encontro para concretar un recibimento á expedición deportivista á súa chegada a A Coruña este sábado 9 de maio.Dito e feito. Os Nosos atopáronse con máis de 600 afeccionados de todas as idades na terminal do Aeroporto de A Coruña.Máis de 600 voces, un só sentimento. Uns intres que foron o reflexo dunha afección que nunca deixa de crer.Entre aplausos, cánticos e emoción, futbolistas e técnicos sentiron de preto o orgullo e a forza de toda unha cidade que camiña ao seu carón en cada paso.Cando o corazón empurra unido, non existen distancias nin límites.ANOSAFORZA e o Club seguen soñando xuntos.

Xa no Dépor Training Center, os preparadores físicos dispuxeron dunha suave sesión de activación de apenas 30 minutos para os futbolistas que non actuaron de inicio ante o Cádiz CF.Para os titulares houbo tarefas de recuperación física no ximnasio e na padiola dos fisioterapeutas.Os Nosos descansan este domingo 10 e o luns 11 de maio; e comezarán o martes 12 a preparar a visita do FC Andorra a ABANCA-RIAZOR, prevista para o domingo 17 de maio ás 14:00 (LaLiga TV Hypermotion).Stoichkov, un dos protagonistas do encontro en Cádiz, advertiu na zona mixta do JP Financial Estadio que "agora é onde te xogas a tempada" e ademais recalca que no equipo deportivista "calquera que entre pode facelo ben".O dianteiro gaditano cre que "temos que centrarnos en nós, planificar a semana e tentar levarnos os 3 puntos en ABANCA-RIAZOR",