STOICHKOV SALIENTA O "AMBIENTE ESPECTACULAR" NO VESTIARIO E LOUREIRO CRE QUE "AGORA MESMO TEMOS UNHA ENERXÍA MOI POSITIVA"

Stoichkov e Miguel Loureiro pasáronse pola zona mixta do JP Financial Estadio.O dianteiro gaditano advirte que "aínda queda. Quédannos 3 xornadas. Temos que sumar de 3. Estou moi contento porque o equipo está facendo un traballo espectacular. Por sorte saín nos últimos minutos e puiden marcar".Afirma que "sempre que saio ao campo intento achegar o máximo. Esta vez foi cun gol que levaba tempo buscando. Por sorte entrou e son 3 puntos que nos levamos para A Coruña".Stoichkov fala de "ambiente espectacular" no vestiario "durante todo o ano, en cada adestramento, en cada partido. Iso é o que che fai estar aí arriba. Cando entrei foi unha pasada. Estaban agardando por min e estabamos todos moi contentos".

Pola súa banda, Miguel Loureiro cre que o Dépor fixo en Cádiz "un partido moi completo. O equipo estivo moi ben. A xente que saíu do banco estivo espectacular tamén. Nestas últimas xornadas todo está máis igualado. Cada detalle conta. Tiñámolo moi claro desde o principio, que había que ter calma, tranquilidade".Recalca que "o equipo estivo no seu sitio en todo momento, insistindo, crendo, confiando. Ao final chegou o premio".O central coruñés indica que "somos un equipo que está convencido, que cre no que fai, na idea. Agora mesmo temos unha enerxía moi positiva. Estamos moi enchufados. Chegamos a este final de temporada con moitísima ilusión e con moitísimas ganas. Está a notarse. Disto vai esta competición, de crer ata o final. Temos o apoio de ANOSAFORZA en cada partido, mesmo a tantos quilómetros da casa. E é unha gozada".