VITORIA HOXE DO BENXAMÍN A E CITA MAÑÁ PARA O XUVENIL B E O SAN TIRSO SD CADETE ANTE AS SELECCIÓNS GALEGAS SUB-16 E SUB-14

Tres equipos de #ANOSACANTEIRA teñen amigable en Abegondo a principios desta semana.Hoxe martes o Benxamín A (na foto da noticia), líder da Primera A Coruña de fútbol 8, venceu (7-3) ao Marino de Mera de categoría alevín no campo de herba sintética de Abegondo.Mañá mércores haberá dobre choque en Abegondo.O Xuvenil B, segundo clasificado da Liga Nacional, mídese á selección galega sub-16 no campo de herba sintética da Cidade Deportiva.Os cadetes deportivistas Borja Díaz, Gael Irimia, Mauro Valeiro, Pablo Crespo, Ramón Blanco e Samba Wade; ademais de Eder Vilas, Nikolay Dyulgerov, Raúl Lema e Roi Castro, do San Tirso SD Cadete, están citados co combinado galego.Media hora máis tarde, ás 18:30, nun campo de herba natural por determinar, o San Tirso SD Cadete de División de Honra enfróntase á selección galega sub-14.Os infantís branquiazuis Julen López, Adrián Fernández, Antón Vilariño, Tiago Caamaño, Hugo Ferreiros e Thiago Montes; ademais de Hugo Macedo e Iván Gil, do San Tirso SD Infantil, foron convocados por Galicia.Con estes encontros, as seleccións galegas prepararán a segunda fase do Campionato de España por autonomías que se disputará na provincia da Coruña do 7 ao 9 de febreiro.O calendario de amigables, cos resultados dos xa xogados, é o seguinte:Categoría xuvenilXUVENIL B - SELECCIÓN GALEGA SUB-16, mañá mércores 22 de xaneiro ás 18:00 no campo de herba sintética de AbegondoCategoría cadeteSAN TIRSO SD CADETE - SELECCIÓN GALEGA SUB-14, mañá mércores 22 de xaneiro ás 18:30 no campo 4, 5 ou 6 de AbegondoCategoría benxamínBENXAMÍN A 7 (Nico Castro -2-, Joel Losada -2-, Pablo Gómez -2- e Pablo Couso) - MARINO DE MERA (alevín) 3