Antonio Couceiro, presidente do Real Club Deportivo, tomou a palabra ao concluír o choque ante o CD Castellón.
Quixo trasladar "a solidez do proxecto, o respaldo do seu primeiro accionista para seguir traballando intensamente e conseguir o obxectivo".
Así mesmo, vaticina "moitísimas decisións nas próximas semanas que irán na liña de incrementar a calidade e o valor do que xa temos para seguir construíndo sobre o moi e moi bo que se fixo; e chegar a conseguir o obxectivo de que o noso Deportivo chegue ao fútbol profesional".
A tenor do sucedido onte no terreo de xogo, opina que "non hai nada que obxectar ao compromiso e á calidade que os nosos xogadores demostraron no campo".
O máximo dirixente branquiazul apunta que "agora toca levantarse e seguir loitando porque o Deportivo é o proxecto dun gran Club sustentado nunha extraordinaria afección á que eu novamente quero recoñecer e agradecer o extraordinario apoio que nos deu ao longo de toda a temporada non só en ABANCA-RIAZOR senón acompañándonos aos destinos máis afastados. Esa afección fai que o Dépor sexa un club de Primeira e que merece que teñamos un equipo que sexa capaz de ascender ao fútbol profesional".
