Os Nosos completaron este martes pola tarde a súa cuarta sesión de traballo nas primeiras 48 horas da segunda semana de pretemporada.
E Antonio Hidalgo comeza a perfilar o seu Dépor xa de cara aos primeiros amigables do verán.
Para iso, o técnico deportivista dispuxo un exercicio de ataque e defensa, ademais dun partido en espazos amplos no que impartiu constantes instrucións aos seus futbolistas.
José Ángel está con traballo personalizado mentres que Arnau Comas fai tarefas co grupo e outras co readaptador.
Iván Barbero e Iano Simao estiveron con permiso.
Mañá mércores haberá unha única sesión de traballo, a partir das 10:30 en Abegondo.
Alto ritmo na sesión matinal
Alto ritmo na sesión matinal deste martes 15 de xullo, primeira do día, no campo 2 de Abegondo.
Após unha activación con forza, houbo un exercicio de posición, unha tarefa ofensiva e partidos en espazo reducido, de alta intensidade.
