Antonio Hidalgo subliñou este mediodía na sala de prensa de Abegondo que "necesitamos que #ANOSAFORZA veña mañá venres (20:30, ABANCA-RIAZOR) a sufrir. Ben entendido ese sufrimento de que vén un equipo como a SD Huesca que nolo vai a pór difícil. Hai que ir con todo; hai que estar con Os Nosos; hai que animar, que sempre o fai".
O técnico deportivista quere "esa sensación de que van custar eses 3 puntos, de que ninguén regala nada, ese sentimento de pertenza que empezamos a ter. ANOSAFORZA ten que empezar a sentir que imos ser máis poderosos desta maneira, sabendo da dificultade que ten a competición. A partir de aí esixirlles aos nosos ao máximo, estar concentrados neses pequenos detalles que poden decidir o partido e logo con ese talento que temos arriba tentar decidir".
Da SD Huesca apunta que "é un equipo moi valente, vai moito cara a adiante, te atosiga moitísimo, tenta ir man a man en campo propio aínda que logo ten situacións de bloque baixo que mantén de temporadas anteriores. Con balón te atosiga, vai ao espazo, tenta xogar en superioridade..."
Insiste pois en "estar moi pendente, saber que partido toca en cada momento, sufrir nos momentos duros que teñamos e será un partido como todos os da categoría, que se vai a decidir en detalles".
O preparador deportivista alerta de que haberá "momentos nos que a SD Huesca vainos a esmagar, non imos ter o balón. Neses momentos temos que ler que toca facer en cada momento pero non só en ABANCA-RIAZOR".
Preguntado polo duelo Eddahchouri - Mulattieri, Antonio Hidalgo sostén que "esa competencia, como están a traballar de forma excepcional Stoichkov, Cristian, todo o mundo que pode participar, vainos a dar esa variabilidade especialmente nun fútbol no que con 5 cambios hai moitas posibilidades".
Finalmente "non lle damos máis importancia", asegura, ao feito de durmir líderes de LaLiga Hypermotion se o Dépor consegue os 3 puntos: "Esas situacións só van valer o último partido de liga".
