Antonio Hidalgo subliñou na sala de prensa do Estadio Nuevo Los Cármenes que "vimos a un campo moi complicado, contra un gran equipo, que está a sufrir unha situación con xogadores determinantes que non están inscritos. Nós sabemos o talento e o potencial que temos. Hai que seguir axustando moitas cousas. É evidente que sumar de 3 é moi importante para a confianza. Hai que valorar ao rival, a súa situación, e sobre todo descansar e preparar o seguinte".
O técnico deportivista recalcou ante os medios que "é moi importante que todo o mundo senta partícipe. É evidente que os xogadores que quedaron no banco queren participar. Pero están enchufadísimos. A xente que saíu do banco entendeu eses momentos. Son moi importantes as pernas frescas sobre todo ao principio da temporada e sobre todo pola calor que está a facer. Estou moi contento por todos".
Extrae unha lectura "moi sinxela" do partido: "Temos 3 puntos. Quédannos 3 puntos menos para conseguir o obxectivo que nos marcamos, que é estar entre os 6 primeiros. Iso é polo que imos loitar. A partir de aí mellorar, coidar os detalles que seguramente temos que mellorar, pensar en seguinte partido contra o Burgos CF que nos vai a pór as cousas moi difíciles, ter os pés no chan, gozar porque na vida hai que gozar cando ganas e saber que imos sufrir moitísimo".
Insiste en que #ANOSAFORZA "ten que ser consciente da dificultade. Estamos seguros que ao seu lado imos competir mellor. Pero con tranquilidade absoluta. Sacamos 3 puntos nun campo moi difícil contra un gran equipo que nos puxo as cousas moi difíciles".
