Ás 13:00 horas deste martes 10 de xuño un coche que trasladou a Antonio Hidalgo desde Madrid entraba na Cidade Deportiva de Abegondo.
O novo técnico deportivista chegou á instalación branquiazul escoltado pola Vicepresidenta do RC Deportivo, Michelle Clemente; o Conselleiro Delegado, Massimo Adalberto Benassi; o Director de Fútbol, Fernando Soriano; e o Director de Comunicación, Manu Sainz.
Con Fernando Soriano como cicerón, Antonio Hidalgo coñeceu ademais do seu despacho, a recentemente remodelada sala de prensa; o vestiario, ximnasio e zona de auga do primeiro equipo, a área de descanso dos futbolistas e o comedor tanto do equipo masculino como do Dépor ABANCA.
Sempre cun sorriso, o adestrador branquiazul saudou aos empregados dos diferentes departamentos do Club que a esa hora estaban nos seus postos de traballo.
Mañá mércores 11 de xuño toca comparecer ante os medios de comunicación na sala de prensa de ABANCA-RIAZOR con pousado incluído para os medios gráficos. Será ás 11:00, retransmitido en directo pola canle oficial do RC Deportivo en YouTube.