Finalizado o Trofeo Emma Cuervo ante o CA Osasuna, As Nosas adestraranse de novo este domingo 24 de agosto a partir das 10:30 en Abegondo.
O choque ante as navarras foi o último do verán.
O balance das deportivistas é de 3 triunfos, 2 derrotas e 1 empate, con 13 goles a favor e 5 en contra.
Os rivais foron de Primera División de España (Athletic Club e Costa Adeje Tenerife) e de Portugal (SC Braga e Sporting CP); ademais do CA Osasuna, que milita en Primera Federación.
Marisa, con 4 goles, foi o pichichi da pretemporada; seguida con 2 goles por Millene, Ainhoa Marín e a canteirá Redru, unha das sorpresas agradables da pretemporada. Tamén marcaron Marina Artero, Bárbara e Barth.
A próxima cita será xa en Liga F, o sábado 30 de agosto ás 18:00 horas (Dazn) en ABANCA-RIAZOR ante o FC Badalona Women.
Os resultados do Dépor ABANCA nesta pretemporada foron os seguintes:
Mércores 23 de xullo, Cidade Deportiva do SC Braga: SC Braga 0 - Deportivo ABANCA 4 (Ainhoa Marín, Millene -2- e Marina Artero)
Sábado 2 de agosto, campo de San José en Llanes (Asturias): Athletic Club 3 - Deportivo ABANCA 2 (Marisa e Bárbara)
Mércores 6 de agosto, Estadio Cidade de Lordelo (Lordelo, Portugal): Sporting CP 1 - Deportivo ABANCA 1 (Redru)
Sábado 9 de agosto, Estadio ABANCA-RIAZOR, (XIII Trofeo Teresa Herrera): Deportivo ABANCA 2 (Marisa e Redru) - SC Braga 0
Sábado 16 de agosto, Estadio Municipal Os Cuartos de La Orotava, (Copa Teide): Costa Adeje Tenerife 0 - Deportivo ABANCA 4 (Marisa -2-, Barth e Ainhoa Marín)
Sábado 23 de agosto, Estadio Municipal Pepe Barreira de Ribadeo, (V Trofeo Emma Cuervo): Deportivo ABANCA 0 - CA Osasuna 1
