Fran Alonso manifestou após o empate ante o RCD Espanyol que "podemos dar máis. É un equipo que segue crecendo".
Subliña que "melloramos respecto ao partido pasado. No último terzo temos que seguir traballando, ter un pouco máis de claridade, se cadra ameazar o espazo ás costas un pouco máis; pero en liñas xerais o equipo estivo ben, estivo sólido. É positivo e refórzanos para o seguinte partido en ABANCA-RIAZOR", este domingo 14 de setembro ás 12:00 (Dazn, Gol TV, TEN e TVG) ante o Athletic Club.
O técnico deportivista quedou após o partido na CE Dani Jarque con "a actitude do equipo. Non nos frustramos a pesar de que criamos que era un gol en fóra de xogo. O equipo refíxose ben. Fixemos o gol do empate, que era moi difícil. Encima aquí a xente empuxa moito. Era difícil remontar. Conseguimos o gol e fomos a por o partido. Dime moito da mentalidade do equipo. Até o asubío final tentámolo. Gústame esa mentalidade de ir a todos os campos a tentar gañar".
