Imanol Idiakez: Cando estás fóra ves o Dépor e alucinas. Cando estás dentro alucinas o triplo
Imanol Idiakez subliñou esta mañá na sala de prensa de Abegondo que agarda ao partido deste sábado 26 de agosto ás 20:30 en ABANCA-RIAZOR ante o CF Rayo Majadahonda (FEF TV) "cunha ilusión tola. Cando estás fóra ves o Dépor e alucinas. Cando estás dentro alucinas o triplo".
O técnico vasco resalta que #ANOSAFORZA "é unha barbaridade. É difícil estar nun sitio no que teñas tantas ganas de dar alegrías á xente como este, porque que o Dépor estea en Primera RFEF e que sigamos tendo veintitantos mil socios significa a paixón desta afección, a fidelidade e o amor a estas cores. Nós como parte activa do club e como axentes no campo temos unhas ganas tolas de responder a esa ilusión e porlles onde se merecen, porque evidentemente eles non están".
A pouco máis de 48 horas do debut en liga, insiste en que "sempre é importante empezar ben. O que diga o contrario mente. Ninguén quere empezar mal, todo o mundo quere empezar ben, seguir ben e que non pare. Estamos nun Club que sobre todo ten un valor brutal que é a súa afección; e que se merece alegrías. Co cal, o sábado en ABANCA-RIAZOR, con outra vez a tolemia de socios que temos, sería moi importante que a xente, que leva 4 anos ou 5 pegándose desilusións, teña unha alegría. E iso imos tentar".
Explica que "sempre é importante empezar ben porque son enerxías, son dinámicas nas que entras e canto antes entremos na dinámica gañadora, mellor. O noso obxectivo temos claro cal é e a partir de aí coller dinámicas importantes".
Desexa pois o sábado arrincar cunha vitoria "que reforzaría un pouco á xente que chegou nova, aos que chegamos novos; e tamén que #ANOSAFORZA, que se está levando unhas desilusións que non se merece, poida levar alegría e que de aí esa enerxía nos vaia levando cara a adiante a todos".
Os Nosos chegan ao sábado "con moitas ganas. As pretemporadas sempre acaban facéndose un pouquiño longas porque todo o mundo ten ganas de que empece a competición, de que empezo o bo. Aquí se cabe máis aínda porque desde o Teresa Herrera non vimos a #ANOSAFORZA e sabemos que está aí, sabemos que outra vez temos unha barbaridade de socios e unha tolemia de ilusión aí fose connosco, así que temos unhas ganas tolas de que empezo. Temos a sorte de empezar en casa".
Imanol Idiakez confesa que esta pretemporada foi "de goce" con #ANOSACANTEIRA porque "tiven a oportunidade de empaparme da canteira. É verdade que aínda me faltará, pero teño o desexo nos próximos meses poder facelo máis profundamente aínda. Cos mozos puiden porme ao día, puiden velos co filial, connosco, ver moita xente traballando no día a día noso, co cal puiden ver de preto o seu nivel e as súas posibilidades. Temos claro que o papel da canteira ten que ser importante e non temos dúbida nese aspecto. Queremos que todo o traballo que se fai en Abegondo desde hai tempo teña os seus froitos no primeiro equipo. Por suposto que non temos présa, pero tampouco pausa, así que o que estea preparado, desde logo ten a porta aberta".
Finalmente asegurou que Yeremay "tivo unha pequena molestia no aductor que o tivo unha semana fóra do equipo. Desde o luns está en dinámica e eu véxoo ben. Evidentemente a estas alturas da pretemporada e perdéndose algúns días seguramente non está ao cento por cento, pero eu creo que está para o domingo"; e definiu a Lucas Pérez como un" xogador de ataque de última liña, que é verdade que ten unhas capacidades diferentes a outros: é capaz de vir xogar un pouquiño máis abaixo, de pasar,de combinar, de facer gol... É un xogador moi, moi importante para nós, doutro nivel. É unha fortaleza que podamos utilizalo con respecto aos seus compañeiros en diferentes complementariedades. Máis arriba, máis abaixo, máis á esquerda, máis a dereita o que temos é un xogadorazo e a partir de aí temos que sacarlle o maior rendemento para o ben do equipo".