Manuel Pablo espera este domingo 1 de febreiro ás 16:45 no Requexón ante o Oviedo Vetusta un partido "moi aberto porque eles son un equipo que xoga moi ben, acumulando moita xente dentro, con varias alturas. Ten moi bos xogadores".
Advirte que "vai ter máis balón que outros equipos. Temos que saber aguantar cando non sexamos tan dominantes como ás veces somos; e ter a tranquilidade de tentar non sufrir sabendo que son un bo equipo, ben traballado e non irnos do partido".
O técnico fabrilista insiste en que "é un partido máis, ante un gran rival. Saber que nós tamén podemos facerlles dano. Hai que tentar gañar o partido e dá igual a diferenza de goles (na ida gañou no campo Arsenio Iglesias o Oviedo Vetusta por 0-1).
Finalmente Manuel Pablo lembra que "queda moita liga. Hai moitos equipos que se están reforzando neste mercado. As segundas voltas sempre custan máis a pesar de que se di que os filiais adoitan voar nas segundas voltas. Aquí todo o mundo refórzase. Cando chegan as últimas xornadas todos os equipos queren salvarse por unha banda, outros a outros obxectivos e convértese todo en moito máis difícil".
