Martín Ochoa Ruiz (Logroño, 20 de decembro de 2004), en dinámica do primeiro equipo esta temporada, asinou a renovación até xuño de 2026 segundo o acordado xa no contrato anterior.
Após chegar a #ANOSACANTEIRA en categoría cadete, formou parte daquel Xuvenil A histórico representante español na UEFA Youth League, competición na que o Club asombrou a toda Europa nos seus partidos en ABANCA-RIAZOR.
Co Fabril logrou a campaña pasada o ascenso a Segunda Federación.
Martín Ochoa debutou co Dépor en partido oficial o pasado 26 de agosto en ABANCA-RIAZOR ante o CF Rayo Majadahonda.
No que vai de temporada participou nun total de 11 partidos de liga, 4 deles como titular, e anotou 1 gol. Ademais xogou en Copa del Rey na primeira eliminatoria ante o CD Covadonga.
O ariete rioxano únese á lista de canteiráns que ampliaron nestes meses a súa vinculación co Dépor como Brais Suárez, Dani Barcia, Kevin Sánchez, David Mella, Rubén López, Elena Vázquez ou Lucía Rivas.
