Samuele Mulattieri e Mario Soriano pasáronse pola zona mixta do UD Almería Stadium.
O dianteiro italiano, autor do gol do triunfo, cre que o Dépor completou "un moi bo partido sobre todo porque loitamos até o final. Isto é o importante. Temos que seguir por este camiño".
Preguntado polo seu gol, subliña que "o importante é que o equipo gañe" e reitera que se centra en "traballar para o equipo e conseguir os nosos obxectivos".
Mulattieri, iso si, admitiu estar "contento" co seu tanto e "sobre todo polo equipo, que volvemos gañar".
Finalmente o ariete deportivista subliña a importancia de "loitar para o equipo, que o equipo gañe".
Pola súa banda, Mario Soriano cre que o Dépor "estivo moi ben. Tivemos o control durante todo o encontro. Con balón estivemos moi ben, defendendo estabamos xuntos, con ese compromiso que se viu o martes pasado na Copa".
O polivalente centrocampista branquiazul opina que "se xogamos así, poucos equipos pódennos gañar".
Recalca que "tivemos moitas ocasións claras. A seguir, valorar estes 3 puntos, seguimos metidos aí con todos e a preparar a semana contra o Racing".
Finalmente Mario Soriano pensa que "sabemos as nosas virtudes. Hai que mostralas no campo, ter personalidade como estamos a ter nos últimos partidos con balon, circular de lado a lado que hoxe o fixemos moi ben e afundir ao rival. Iso reflíctese no partido que fixemos".
