O Betanzos CF de Tercera RFEF sorprendeu (1-0) a un Fabril con varios xuvenís na LVI edición do Trofeo San Roque disputado no campo García Hermanos.
No filial estiveron o porteiro Alberto e Kevin Sánchez, dous futbolistas que están en dinámica do primeiro equipo; aínda que foi o dianteiro internacional o único que tivo minutos esta tarde.
Xa non estivo cos fabrilistas Mario Nájera, cedido esta semana á UD Logroñés de Segunda Federación polo que resta de temporada.
Decidiu o trofeo un gol local á media hora de partido, ao que o Fabril non logrou dar resposta.
Fabril: Hugo Ríos, Kike Teijo, Vilela, Samuel, Hugo Torres, Carreira, Noé, Hugo Villaverde, Dylan, Álex Delgado e Domínguez. Tamén xogaron: Pablo Parada, Aarón, Marotías, Luisao, Guerrero, Alfaro, Kevin Sánchez, Garrido, Dani Estévez, Fadill e Bill
O vindeiro sábado 17 de agosto ás 11:30 o equipo de Óscar Gilsanz recibe en Abegondo ao CD Arenteiro de Primera RFEF. O encontro será a porta pechada.
Até a data, os resultados dos amigables do Fabril foron os seguintes:
Fabril 1 (Jaime Garrido) - Silva SD 0
Memorial Lisardo Campos: Atlético Arteixo 0 - Fabril 3 (Noé, Rubén Fernández e Domínguez)
CD Lugo 3 - Fabril 0
Fabril 1 (Luisao) - Bergantiños CF 0
Fabril 4 (Guerrero -2-, Dani Estévez e Dylan) - CD Estradense 0
Racing Villalbés 0 - Fabril 3 (Javi, Noé e Nájera)
Trofeo San Roque: Betanzos CF 1 - Fabril 0
