O presidente do RC Deportivo, Juan Carlos Escotet Rodríguez, anunciou no transcurso do acto de presentación do Dépor Training Center en Abegondo que o campo principal da instalación, onde habitualmente xogan partidos de competición oficial os diferentes equipos de ANOSACANTEIRA, pasará a chamarse campo Arsenio Iglesias.
No seu discurso, o máximo dirixente branquiazul explicou que "Arsenio foi e seguirá sendo a alma deste Club".
Cos fillos presentes no acto (na foto principal da noticia), subliña Juan Carlos Escotet Rodríguez que Arsenio Iglesias "representa a nosa esencia: honestidade, esforzo, humildade e visión colectiva. Ensinounos que o verdadeiro éxito nace do compromiso cunha idea e cunha forma de entender o fútbol e a vida".
Finalmente desexou que "cada mozo que pise ese céspede lembre que camiña sobre un legado que levou ao Dépor todo o máis alto sen perder xamais as súas raíces".
